2016ம் ஆண்டு பலன்கள் - 9 18 27

9, 18, 27 தேதிகளில் பிறந்த நேயர்களே

துணிவும் பணிவும்  கொண்ட வெற்றி வீரரான உங்களுக்கு, எதுவெல்லாம் தேவையோ அதுவெல்லாம் கிடைக்கும். மன மகிழ்வுக்கு அளவே இல்லை. சரித்திரம் போன்றது இந்த 2016ம் ஆண்டு. பொருளாதார நிலை மிகவும் உயர்வு பெரும். பூர்வீகச் சொத்துக்கள், வாகன விற்பனை, நிலத்தால் பணம் என்று வந்து கொண்டே இருக்கும். மங்கள காரியங்கள் மனதுக்கு பிடித்ததுபோல அமையப்பெறும். குழந்தை பாக்கியம் கிட்டும். பெண்கள் கணவருடன் இணக்கமாக நடந்து நற்பெயர் பெறுவார்கள். தேவைகளை பூர்த்தி செய்து மகிழ்வார்கள். பிறந்த வீட்டு சொத்துக்களும் உண்டு. மாணவர்கள் மதிப்பெண்களை பெறுவதில் மும்முரம் காட்டி அனைவருடைய பாராட்டுதல்களையும் பெறுவார்கள்.

2016ம் ஆண்டு பலன்கள் - 8 17 26

8, 17, 26 தேதிகளில் பிறந்த நேயர்களே

கடமை வீரராக வலம் வரும் நீங்கள் இந்த 2016ம் ஆண்டு பொறுமையுடன் நிதானமும் கொண்டு நடப்பது மிக அவசியம். யாருக்கும் எந்த வகையிலும் ஜாமீன் ஏற்க வேண்டாம். சற்று தன்னை அடக்கியாள முயற்சி செய்யுங்கள். கடன் சுமைகள் அதிகரிக்கலாம். இருப்பதைக் கொண்டு செலவுகளை கட்டுப்படுத்தி வாழ பழகுவது நல்லது. இதற்கு திட்டமிடல் ஒன்றே அருமருந்து. ஏதேனும் பிரச்னைகளை எதிர்கொள்ள நேரலாம். 

திருமண காரியங்களில் தடை பிரிவு உண்டாக வாய்ப்பு அதிகம். பொறுமையே வெற்றிக்கு வழி. பெண்கள் தங்கள் செல்வாக்கை தாமே குறைத்துக்கொள்ளும் நடவடிக்கைகளை தவிர்க்கவும். மாணவர்கள் மதிப்பெண் குறைகளை ஏற்படுத்தி மன உளைச்சல் பெறுவார்கள். தீவிர முயற்சி தேவை. உடல்நிலையிலும் ஏதேனும் ஒருவகையில் உஷ்ண, நீர் சார்ந்த உறுப்புகள் குழப்பத்தை ஏற்படுத்தும். பத்திய முறைகளும், உணவு கட்டுப்பாடும் அவசியம்.

சொந்த தொழில் செய்பவர்கள் தொழிலாளர்களுடன் பிரச்னைகளை ஏற்படுத்திக்கொள்ள வேண்டாம். புதிய நண்பர்களால் ஏமாற்றத்துக்கு உள்ளாகலாம். அனைத்து நபர்களும் சட்டத்துக்கு உட்பட்டு நடப்பது நலம். சிக்கல் வரும் கவனம். அன்புடன் நடந்து கொள்ளுங்கள். பணியில் கெடுபிடி கூடும். ஏச்சு பேச்சு, பிரச்னை என்று வந்துகொண்டே இருக்கும். அரசியல்வாதிகள் தன்னிச்சைப்படி செயல்பட்டு தண்டனைக்கு உள்ளாகலாம். கலைத்துறையினர் உள்ளதை வைத்து நல்லதை செய்து கொள்ளுங்கள். கவனம். விவசாயிகள் செயல்பாடு குறையும். ஆள், பணம் பற்றாக்குறையால் விளைச்சல் பாதிக்கும். 

2016ம் ஆண்டு பலன்கள் - 7 16 25

7, 16, 25 தேதிகளில் பிறந்த நேயர்களே

எதற்கும் அலட்டிக்கொள்ளாத குணமும் ஞானமும் கொண்ட உங்களுக்கு இந்த 2016ம் ஆண்டு பல புதிய நட்புக்கள் மூலம் புகழ் பெற வைக்கும். நீண்டகாலமாக தடைபட்ட திட்டங்கள் எல்லாம் நிறைவேற்றம் பெறும். வெளிநாட்டு தொடர்புகள் மகிழ்வாக அமைந்திடும். கரைந்த கையிருப்புகள் மீண்டும் வந்து சேரும். இதுவரை எடுத்துக்கொண்ட எல்லா பணிகள் மூலமும் வருமானம் பெருகும். மங்கள காரியங்கள் மனதுக்கு பிடித்ததுபோல் அமைந்து வரும். பெண்கள் கணவர் இணக்கத்தை பெறுவார்கள். குழந்தைகளால் ஏற்படும் கல்விச்செலவு அதிகரிக்கும். நல்லதே நடக்கும். மாணவர்கள் திட்டமிட்டு செயல்பட்டு மதிப்பெண்களை அதிகரிக்கும் முயற்சிகளில் வெற்றி பெறுவார்கள்.

2016ம் ஆண்டு பலன்கள் - 6 15 24

6, 15, 24 தேதிகளில் பிறந்த நேயர்களே

வாழ்க்கையினை கொண்டாடும் கலா ரசிகர்களே இந்த 2016ம் வருடம் சென்ற வருடத்தை விட பன்மடங்கு நன்மையை தரும். திடீர் அறிமுகங்கள் மூலம் ஆதாயம்பூர்வீகச் சொத்துக்கள் மூலம் வருவாய் என்று நன்மைகள் குவிந்திடும்.  பொருளாதார ஏற்றம் உண்டு.

சுபகாரியங்களில் இருந்த முட்டுக்கட்டைகள் விலகும். மனம் போல மணவாழ்க்கை அமையும். நீண்ட காலமாக கிடைக்காத மழலைப்பேறும் உண்டு. வீட்டில் சுபகாரியங்கள் நடைபெறும். பெண்கள் புதுமைப் பொருட்களை வாங்கி மகிழ்வார்கள். கணவருடன் ஏற்பட்ட மனத்தாபங்கள் அகலும். மாணவர்கள் சாதனைகள் பல புரிந்து கல்வி நிறுவனத்துக்கே பெருமை தேடித்தருவார்கள்.

2016ம் ஆண்டு பலன்கள் - 5 14 23

5, 14, 23 தேதிகளில் பிறந்த நேயர்களே

எதற்கும் கலங்காத மனோதிடம் கொண்ட நல்ல பண்பு கொண்ட உங்களுக்கு 2016ம் வருடம் வெற்றிகளை வீட்டுக்கு கொண்டு வரும்.  நிறைவான வருமானம், எடுத்த காரியங்களில் எல்லாம் முன்னேற்றம் வழிகாட்டும். சுபகாரியங்கள் தங்கு தடையின்றி படிப்படியாக நடந்தேறும். காதலர்களுக்கு வெற்றி உறுதியாகும். உடல்நிலை வெகு நிறைவாக செயல்படும். பல வியாதிகள் தங்களிடம் இருந்து ஓடிப்போகும்.  இரும்பு, கெமிக்கல், வாகன உற்பத்தி, கரும்பாலைகள், மருந்து உற்பத்தி, கட்டடம் கட்டுவது போன்ற துறையினர் அதிகமான வருமானத்தை அடைவார்கள்.

பெண்கள் பிறந்த வீட்டுக்கு பெருமை சேர்ப்பார்கள். கணவர் அன்பை பெறுவாகள். குழந்தைகளால் குதூகலம் உண்டு. மாணவர்கள் மன நிறைவுடன் செயல்பட்டு கல்வியில் பெரிய வெற்றி பெறுவார்கள். விளையாட்டிலும் வீரம் காட்டுவார்கள்.

2016ம் ஆண்டு பலன்கள் - 4 13 22 31

4, 13, 22, 31 தேதிகளில் பிறந்த நேயர்களே

எடுத்த காரியம் முடிக்கும் உங்களுக்கு 2016 ஆண்டு எளிமையாக வெற்றிகளை தரும். பல வழிகளில் வருமானம் பெருகும். திடீர் பண வரவுகளால் திக்குமுக்காடிப்போவார்கள். இரும்பு, டிராவல்ஸ் துறையினருக்கு வெகுவான முன்னேற்றம் உண்டு. சொந்தபந்தங்கள் வந்து தங்கள் செல்வாக்கை உணர்வார்கள். சுபகாரியங்கள் கூடிவரும். மூட்டு வலி, சத்து குறைபாடு எல்லாம் நீங்கி நல்ல நிலையில் செயல்படும் உடல்நிலை. திட்டம்போட்டு செயல்பட்டு விரும்பிய எல்லாவற்றையும் திருப்திகரமாக நடத்திக்கொள்வார்கள். மாணவர்கள் கண்ணும் கருத்துமாக தங்கள் பணியில் ஈடுபட்டு திறமையை வளர்த்துக்கொள்வதால் அனைவரிடமும் பாராட்டு பெறுவார்கள்.

2016ம் ஆண்டு பலன்கள் - 3 12 21 30

3, 12, 21, 30 தேதிகளில் பிறந்த நேயர்களே

பாரம்பரியத்தினை கொண்டாடும் கட்டுப்பாடான குணமுடைய உங்களுக்கு 2016 ஆண்டில் நினைத்த உயர்வுகளை பெறுவீர்கள். பிரபலமானவர்கள் நட்பு அதிகமான ஆதாயத்தை தேடித்தரும். கைநிறைந்த வருமானம், திட்டங்கள் எல்லாம் நிறைவேறும், கொடுத்து வைத்தவைகள் அனைத்தும் திரும்ப வரும். மகிழ்வான நிலைதான். பெற்றோர் ஆசிகளுடன் தாங்கள் நினைத்தவர்களை கைபிடிப்பார்கள். புதிய வாகனம், வீடு உண்டாகும். பலம் கூடும். நலம் கூடும். மகிழ்ச்சி அதிரிக்கும். பெண்கள் கணவரால் புகழப்படுவார்கள். புகுந்த வீட்டில் புகழும் பாராட்டும் பெறுவார்கள். குழந்தைகளால் குதூகலம் உண்டு. புதிதாக எண்ணம்போல் நகை வாங்கி குவிப்பார்கள். மாணவர்கள் உழைப்பு மாபெரும் வெற்றிகளைபெற உதவிடும். பெற்றோர், ஆசிரிர்களுக்கு பெருமை சேர்ப்பாரகள்.

சொந்த தொழில் செய்பவர்கள் வெளிநாட்டு மாநில ஒப்பந்தங்கள் மூலம் வெகுவான வருமானத்தை குவிப்பார்கள். அரசாங்க ஆதரவும் உண்டு. தொழிலாளர்கள் ஒற்றுமையும் மகிழ்வு தரும் வகையில் அமையும்.

உணவகங்கள், ஜவுளி, பலசரக்கு, ஸ்டேஷனரி வியாபாரிகள் நினைத்ததைவிட அதிக வருமானம் பெறலாம். பணியாளர்களுக்கு பண பலன்கள் அதிகம் கிடைத்து மகிழ்விக்கும். பதவி உயர்வு தரும். 

கலைத்துறையினருக்கு அயல்தேச வரவேற்பு புகழ் தரும் வகையில் அமைந்திடும். அரசாங்க பாராட்டும் உண்டு. விவசாயிகளின் நீண்டகால எண்ணங்கள் ஈடேறும். அருகில் உள்ள நிலங்களை வாங்கி மகிழ்வார்கள். விளைச்சல் பெருகும்

2016ம் ஆண்டு பலன்கள் - 2 11 20 29

2, 11, 20, 29 தேதிகளில் பிறந்த நேயர்களே

துணிச்சலை துணை கொண்டு போராடும் குணம் கொண்ட உங்களுக்கு 2016 ஆண்டு சற்று கூடுதல் உழைப்பை ஏற்படுத்தி ஏற்றம் பெற வைக்கும். ஏற்கனவே செய்து வைத்த முயற்சிகளுக்கு ஏற்படும் பலன்களைப் பெற்று உயர்வு பெறவேண்டும். சுபகாரியங்கள் மனதுக்கு இதமாக அமைந்திடும். இருப்பினும் இதனால் ஏற்படும் மன உளைச்சலை தவிர்க்க இயலாது.

பெண்களின் திட்டங்களில் அதிக தடுமாற்றம் ஏற்படலாம். கணவருடன் இணக்கமற்ற நிலை ஏற்படுமாதலால் விட்டுக்கொடுத்து செல்லும் பக்குவம் வேண்டும். குழந்தைகளாலும் கூடுதல் செலவுகள் ஏற்படும். மாணவர்கள் படிப்பு, விளையாட்டு இரு துறைகளிலும் அதிக ஆர்வத்துடன் செயல்பட்டு உயர்வு பெறவேண்டும்.

2016ம் ஆண்டு பலன்கள் - 1 10 19 28

1, 10, 19, 28 தேதிகளில் பிறந்தவர்களே

 அதிகார குணமும் அயராத உழைப்பும் கொண்ட உங்களுக்கு, இந்த 2016ம் ஆண்டு மிக சிறப்பாக துவங்கப்போகிறது. போட்டு வைத்த திட்டங்கள் எல்லாம் வரிசையாக வெற்றியடையும் நேரம் இது. வருமானத்துக்கு பஞ்சமே இல்லை. புதிது புதிதாக வருமானத்துக்கு வழி கிடைக்கும். இரும்பு, மருந்து, அரசாங்கம். எலக்ட்ரானிக்ஸ், கமிஷன் போன்ற துறையில் பணம் வந்து குவியும். எதிர்பார்த்ததுபோல் மங்கள காரியம் நிகழும். புதிதாக வீடு கட்டலாம். வெகு நாளாக துரத்தி வந்த சில நோய்கள் முற்றிலும் விலகி ஓடும். வலிமையும் பலமும் உடல்நிலையில் ஏற்படும்.

பெண்கள் கணவருடன் இணக்கமான சூழ்நிலையை பெறுவார்கள். ஆபரணங்களை வாங்கி குவிப்பார்கள். குழந்தைகளுக்கு நல்ல இடத்தில் வரன் அமையும். எதிலும் முதன்மை பெறுவார்கள். வெற்றிகளை குவிப்பார்கள். கல்வியில் கவனம் செலுத்துவார்கள். சொந்த தொழில் செய்வோரின் எண்ணங்கள் ஈடேறும். மருந்து, இரும்பு உருக்காலை, எலட்ரிக் பொருட்கள் தயாரிப்பு விற்பனை செய்பவர்கள் லாபம் ஈட்டுவர். அரசாங்க காண்ட்ராக்டர்கள் நினைத்ததை சாதிப்பார்கள். 

வியாபாரிகள் புதிய கிளைகளை ஆங்காங்கே திறப்பார்கள். புதிய வகை பொருட்களை விற்பனைக்கு விடுப்பதால் மக்கள் செல்வாக்கு பெறுவார்கள். கையிருப்புகளும் அரசாங்க ஆதரவும் பெருகும். கடன்களில் இருந்து விடுதலையடைவார்கள். அரசாங்க, தனியார் பணியாளர்கள் தங்கள் பதவி உயர்வுகளை எளிதில் பெற்று உயர்வு பெறுவார்கள். வீடு, கார் கடன்களை பெறலாம். புதிய உத்வேகத்தை பெறுவார்கள்.

அரசியல்வாதிகள் சாதாரண நிலையில் இருந்து மிகப் பிரமாண்டமான உயர்வுகளை பெற்று மகிழ்வார்கள். தலைமையிடம் மிக இணக்கம் பெறுவார்கள். ஏற்கனவே வழக்குகளில் சிக்கி இருந்தால் விடுதலை பெறுவார்கள். யோசித்து பேசுதல் நலம் பயக்கும். கலைஞர்கள் நினைத்ததை சாதித்துக்கொள்ளும் நேரம் இது. விவசாயிகள் மாபெரும் புரட்சிகளை செய்து உற்பத்தியை பெருக்குவார்கள். 

2016ம் ஆண்டு பலன்கள்-பொது

பொது பலன்கள்

    இந்த ஆண்டு சிவசத்தி யோகம் பெற்று பிறக்கிறது. இதனால் பெண்களுக்கான புகழ் கூடும். உலக அளவில் பெண்களுக்கான சமத்துவம் குறித்து அதிகம் பேசப்படும். இந்தியாவை பொறுத்த மட்டில் அரசியல்வாதிகளுக்கு அதிர்ஷ்டகரமான ஆண்டு. அதிகப்படியான பேச்சினால் பிரச்சினைகள் உண்டாகும். 

பரிகாரங்கள் பலிக்க வேண்டுமா?

     ஆன்மீக பரிகாரம் என்பது ஒரு குறிப்பிட்ட கிரகம் அல்லது தேவதையின் சக்தியினை ஆசிர்வாதத்தினை முறைபடுத்தி நமக்கு கிடைக்க வழி செய்வதாகும். ஆன்மீக பரிகாரங்களை நம்பிக்கையுடன் முழுமையாக செய்ய வேண்டும். பரிகாரம் செய்யும் அன்பர்கள் ஒரு விஷயத்தை மனதில் ஞாபகம் வைத்துக் கொள்ளவேண்டும்.

 பரிகாரம் என்பது நல்ல மழை பெய்யும் நேரத்தில் கையில் ஒரு குடையுடன் பாதுகாப்பாக செல்வதற்கு ஒப்பானது. குடை வைத்திருந்தால் மழையே பெய்யாது என்பது எப்படி சாத்தியம் இல்லையோ, அது போல பரிகாரம் செய்தால் நமது கர்ம வினை பதிவுகள் நடக்காமல் போகும் என்பதும் சாத்தியம் இல்லை. நமக்கு கிடைக்கும் துன்பங்கள், நமது கர்ம வினைக்கு ஏற்ப, இந்த ஜென்மத்தில் திரும்பக் கிடைக்கும். பரிகாரங்கள் அதன் தாக்கத்தை, கடுமையை ஓரளவுக்கு குறைக்கச் செய்யும்.