நியூமராலாஜி பெயர்மாற்றம், அதிர்ஷ்டகற்கள், ஜாதக பரிகாரம், ஆன்லைன்ஜோதிட எண்கணித பயிற்ச்சி பெற astrokanna@gmail.com
உங்கள் லக்னம் சிம்மம்.
சூரியன் உங்கள் லக்னாதிபதி.
உங்கள் ஜாதகத்தின் சுபகாரக கிரஹம்.
கேந்திரத்திற்கும். திரிகோணத்திற்கும் அதிபதியான அங்காரகன் உங்களுடைய பரம யோக காரகன்.
சிம்ம லக்னத்தில் பிறந்த நீங்கள் பருமனாக இல்லாவிட்டாலும், நல்ல முக அமைப்பும் தைரியமும் ஆர்வமும் லட்சியமும் உடையவர்களாக இருப்பீர்கள்.
எண்ணத்திலும் செயலிலும் ஒரு விதகர்வமும். எப்படியாவது வெற்றியாளர் ஆகவேண்டும் எனும் வேகமும் இருக்கும்.
உங்கள் லக்னம் கடகம்.
லக்னாதிபதி சந்திரன் சுபகாரகன்.
கேந்திரத்திற்கும் திரிகோணத்திற்கும் ஆதிபத்யம் பெற்றுள்ள அங்காரகன் உங்களுடைய மிகச் சிறந்த யோக காரகன்.
கடகத்தில் பிறந்த நீங்கள் எளிதில் உணர்ச்சி வசப்படக்கூடியவர்கள்.
இனிமையானவர்கள்.
பாசம் மிக்கவர்கள்.
அன்பான சுபாவமுடையவர்கள்.
சிறந்த புத்திசாலிகள் கற்பனை வளம் மிக்கவர்கள்.
உங்களுடைய லக்னம் மிதுனம்.
லக்னாதிபதி புதன் தான் உங்களுக்கு மிகச்சிறந்த யோக காரகனாவான்.
மிதுனத்தில் பிறந்த காரணத்தால் இருவித மாறுபட்ட குணங்களையுடைய நீங்கள் பொதுவாக இனிமையான சுபாவமும். பண்பான திறைவும் கொண்டவர்கள்.
மிகச் சிறந்த புத்திசாலியான நீங்கள் வெகு விரைவில் நல்லது கெட்டதைக் கண்டறிந்த சரியாகப் புரிந்து கொள்வீர்கள்.
உங்களுடைய முற்போக்கான செயல்களால் புகழ் பெறுவீர்.
ரிஷப லக்னத்தில் பிறந்தவர்களுக்கு லக்னாதிபதி சுக்கிரன் அவன் தான் யோக காரகன்.
அதோடு கேந்திரத்திற்கு திரிகோணத்திற்கும் அதிபதியான சனிபகவானும் உங்களுக்கு அதிர்ஷ்டத்தை அள்ளி வழங்கும் யோக காரகனாவான்.
சுக்கிரனின் ஆதிக்கத்தில் ரிஷபத்தில் பிறந்த நீங்கள் சுபாவத்தில் கபடமற்றவர்கள்.
இனிய பேச்சும். மென்மையான சுபாவமும். அமைதியான போக்கும் உடையவர்கள்.
உங்களுடைய லக்னம் மேஷம்.
லக்னாதிபதி செவ்வாய் உங்கள் ஜாதகத்திற்கு மிகச் சிறந்த யோக காரகனாவான்.
மேஷ லக்னத்தில் பிறந்தவர்கள் சாதாரணமாகவே சிறிது கர்வமும் அகம்பாவமும் உடையவர்கள்.
அங்காரகன் ஆதிக்கத்தில் பிறந்தவர்கள் என்பதால் கொஞ்சம் சூடானவர்கள்.
சுய சுதந்திரத்தை அதிகமாகவே விரும்புவர்கள்.
மிகவும் சுறு சுறுப்பாக இயங்குபவர்கள்.
எதையாவது சாதிக்க விரும்புவர்கள்.
ரத்தின வேட்டை.
பக்கத்து வீட்டில் இருந்த தனது சித்தப்பா தந்த அய்யூப் அவர்களின் ராசிக்கல் பற்றிய புத்தகத்தை மீண்டும் மீண்டும் ஆழ்ந்து படித்ததன் மூலமாக ராசிக்கல் பற்றிய புரிதல் அதிகரித்துக் கொண்டே போனது கண்ணனுக்கு...
கண்ணன் கூறியபடி நடக்காமல் போனது. உலகக்கோப்பை தொடரில் இருந்து இந்தியா வெளியேறி விட்டது. அதன்பின்னர் தான் ஒரு உண்மை புரிந்தது. கேள்வி வாக்கியத்தை வைத்து பிரமிடு கணக்கு செய்வது சரிவராது. அதே கேள்வியின் ஒரு வார்த்தை மாறினாலும் கூட கணக்கு மாறி விடுகிறது என்பதை அதன் பின்னர் தான் கவனித்தான். அதன் பின்னர் 1996 ன் இறுதி மாதங்கள் வரை மீண்டும் மீண்டும் பல்வேறு பெயர்களை நியூமராலஜி படி ஆராய்ந்து வந்த கண்ணன் ஏதோ புரிந்தது போல உணர்ந்தான். பெயருக்கும் அதன் பிரமிடு எண்ணுக்குமான தொடர்பை உணரமுடிந்தது.
கொடுமுடிக்கு சென்று புத்தகம் வாங்க முடியாது போனது குறித்து ஏமாற்றத்தில் இருந்தாலும், எண்ணியல் குறித்த பல்வேறு சிந்தனைகளிலேயே கண்ணனின் அடுத்தடுத்த நாட்கள் சென்றுகொண்டு இருந்தது.
நண்பர்கள் ஐவரும் கொடுமுடி மில் நல்ல தரிசனம் செய்து முடித்தார்கள். அம்மன் கோவில் பிரகாரத்தில் உள்ள புத்தக கடைக்கு வந்தார்கள். ஜோதிடம் நியூமராலஜி புத்தகங்கள் உள்ள பக்கம் பார்வையினை விரித்து தேடினார்கள்.
காலை 7 மணி. பொழுது புலர்ந்தது கூட தெரியாமல் அயர்ந்து தூங்கிக் கொண்டிருந்தான் கண்ணன். எனக்கு டீ குடுத்தா தான் எழுந்திருப்பேன் என பத்து வயதிருக்கும் தம்பி மகேந்திரன் ரகளை செய்து கொண்டிருந்த சத்தம் கேட்டு எழுந்து வந்த கண்ணன் அம்மாவிடம் "கோயிலுக்கு போறோம்ல அம்மா... எழுப்பி விட்டு இருக்கலாம்னு..." என்றான்.
கண்ணனுக்கு முன்பாகவே கணேசனும் அர்ஜுனன் ம் காவிரிக்கரையில் அமர்ந்திருந்தார்கள். குமார் செந்தில் இருவரும் இன்னும் வரவில்லை. "அண்ணா தேர்ல வாங்கிய புத்தகத்தில் பல விசயங்கள் சூப்பரா இருக்கு." என அர்ஜுனனிடம் ஆர்வத்தில் உரையாட துவங்கினான் கண்ணன்.
நாம் கட்டுகிற வீடு எவ்வளவு காலம் நிலைத்திருக்கும் என்பதை முன்கூட்டியே நம்மால் தெரிந்து கொள்ள முடியும். மனைச் சிற்ப சாத்திரத்தில் இது பற்றிய தெளிவான விளக்கம் தரப்பட்டிருக்கிறது. பொதுவாக ஜோதிட ஆராய்ச்சின் அடிப்படையில் இந் த கணக்கு நிர்ணயிக்கப் படுகிறது.
வீட்டின் உரிமையாளரது ஜென்ம லக்கனத்திற்கு நான்கு பத்தில் சந்திரன் நின்று, பதினொன்றில் குரு, செவ்வாய், சனி, ஆகியர்கள் இருந்து மனைக்கு மூகூர்த்தம் செய்தால் அந்தக்கட்டிடம் ஏறத்தாழ 100 ஆண்டுகள் நிலைத்து நிற்கும். சுக்கிரன் உதயமாக 7-ல் குரு இருக்க 10-ல் சந்திரன் இருக்க கட்டிடம் 1000 ஆண்டுகள் நிலைத்து இருக்கும்.
லக்கினத்தில் அல்லது 10-ல் சுக்கிரன் இருக்க மூன்றில் புதன் இருக்க குரு அஸ்தமனமாக முகூர்த்தம் செய்தால் அந் த வீடு 200 ஆண்டுகளுக்கு மேல் உறுதியாக இருக்கும். ஜென்ம லக்கினத்தில் சந் திரனும் நான்கில் புதனும் இருக்க குரு அஸ்தமனமாக முகூர்த்தம் செய்தால் அந்த வீடு 100 ஆண்டுகளுக்கு மேல் நிலைத்து நிற்கும்.
வியாழன் வெள்ளி வலமும் லக்கினம் 4,7- ல் சுக்கிரனும் 6 -ல் சூரியனும் மூன்றில் குருவும் பெரிய மண்டபங்கள், மாளிகைகள், கோபுடம் ஆகியவற்றைக் கட்டினால் ஆயிரம் ஆண்டுகளுக்கு குறையாமல் நிலைத்து நிற்கும்.
ஸ்ரீராமபிரானின் பட்டாபிஷேகக் கொண்டாட்ட வைபவங்கள் முடிந்த பின், ஆசுவாசமாக ஸ்ரீராமபிரான் ராவணாதியரின் பலம், தபம், வரம் முதலியவை பற்றிய சந்தேகங்களை அகத்திய மாமுனிவர் விளக்குவதாக, ஸ்ரீவால்மீகி ராமாயணத்தின் உத்தரகாண்டம் அமைந்திருக்கிறது.
ஸ்ரீராமர், ஒரு நியாயமான கேள்வியை எழுப்புகிறார்: “வாலி மிகுந்த பலசாலிதான். ராவணனையே தோற்கடித்து அவனைத் தனது கையில் இடுக்கிக்கொண்டு பல சமுத்திரங்களுக்கும் சென்று தனது நித்ய கர்மானுஷ்டானங்களைச் செய்து, ராவணனுக்குச் சொல்ல முடியாத துன்பத்தை அளித்தான். இருப்பினும் ஆஞ்சநேயன் வாலி, ராவணன் இவர்களையும்விட மிகப் பலம் வாய்ந்தவர். அப்படியிருந்தும் வாலி, சுக்ரீவனைத் துன்புறுத்தி கிஷ்கிந்தையை விட்டுத் துரத்தியபோது ஆஞ்சநேயர் ஏன் சுக்ரீவனுக்கு உதவவில்லை?” என்று அகத்தியரிடம் கேட்கிறார்.
அப்போது தான் ஸ்ரீராமருக்கு, ஆஞ்சநேயரின் வரலாற்றைக் கூறுகிறார் அகத்தியர். “அஞ்சனாதேவிக்கு ஆஞ்சநேயர் பிறந்தபோதே, மிகுந்த பலசாலியான குழந்தையாக விளங்கினார். அஞ்சனாதேவி, குழந்தைக்கு ஆகாரம் கொண்டு வரச் சென்றிருந்தபோது, மிகவும் பசியுடன் இருந்த குழந்தை ஆஞ்சநேயன், சூரியனை ஒரு பழம் என்று நினைத்து அதைப் பறித்து உண்ண விரும்பி சூரியனை நோக்கி வானில் பாய்ந்தார். ஆனால் சூரியன், ஸ்ரீராமபிரானுக்கு இந்த ஆஞ்சநேயன் உதவி செய்ய வேண்டுமென்பதை உணர்ந்து, குழந்தைக்குத் தீங்கு எதுவும் செய்யவில்லை. ஆனால், அன்றைக்குச் சூரிய கிரகணம். ராகு, சூரியனை விழுங்குவதாக ஏற்பாடு. தனக்குப் போட்டியாக சூரியனை நெருங்கும் ஆஞ்சநேயனைப் பார்த்து வெகுண்ட ராகு, இந்திரனிடம் சென்று முறையிட்டார் (ஏனெனில், சூரியனைப் பிடிக்க விரும்பிய அனுமன், ராகுவையும் பிடிக்க முயன்றார்).
இந்திரன், ராகுவையும் அழைத்துக்கொண்டு மிகுந்த கோபத்துடன் அனுமனை அணுக, அவர் ஐராவதத்தையும் ஒரு பெரிய பழமென்று நினைத்து அதை நோக்கிப் பாய்ந்தார். இதனால் இன்னும் கோபமுற்ற இந்திரன், குழந்தை என்றும் பார்க்காமல், அனுமனைத் தனது வஜ்ராயுதத்தால் அடித்தார். அடியுண்ட அனுமன் இடது தாடை உடைபட்டு விழுந்தார். இறந்தது போலவே கிடந்தார்.
தனது மகன் இந்திரனால் தாக்கப்பட்டு உயிரிழந்ததுபோல் கிடந்ததைக் கண்டு வருந்திய வாயு பகவான், அந்தக் குழந்தையைத் தனது மடியில் கிடத்தியவாறு தனது இயக்கத்தை நிறுத்திவிட்டார். வாயுவின் இயக்கம் இல்லாததால், அனைத்து ஜீவராசிகளும் மிகவும் துன்பப்பட்டனர். இதற்கு தேவர்களும் கந்தர்வர்களும்கூட விதிவிலக்-கல்ல. எனவே, அனைவரும் பிரம்மாவிடம் சென்று முறையிட... அவர் அனைவரையும் அழைத்துக்கொண்டு வாயு பகவானிடம் வந்தார்.
இறந்துகிடந்த குழந்தையைக் கண்டு, பரிதாபமும் இரக்கமும் கொண்ட பிரம்மா தனது கரத்தால் அதைத் தடவிக் கொடுக்கவும், அனுமன் மீண்டு எழுந்தார். பிரம்மா அனைத்து தேவர்களையும் நோக்கி, ‘இந்தக் குழந்தையால்தான், ராவணன் முதலிய அரக்கர்களால் உங்களுக்கு ஏற்பட்டுள்ள துன்பத்தைத் தீர்க்க முடியும். அதனால் இவனுக்கு வேண்டிய அளவு நல்ல வரமளியுங்கள். அதன்மூலம் வாயு பகவானும் திருப்தி அடைவார்’ என்று சொன்னார்.
இதன்பின்னர் சூரியன், தனது ஒளியில் 100-ல் ஒரு பங்கை ஆஞ்சநேயருக்கு அருளினார். மேலும், தானே அனுமனுக்கு வேதங்கள், சாஸ்திரங்கள் அனைத்தையும் போதித்து, கல்வியில் சிறந்தவனாகச் செய்வதாக ஒப்புக்கொண்டார்.
வருணன் - காற்றாலோ, நீராலோ அவருக்கு மரணம் ஏற்படாது என்றார். யமதர்மன், யம தண்டத்திலிருந்தும் நோய்களினின்றும் அனுமன் பாதிக்கப்பட மாட்டார் என வரமருளினார். குபேரன், அனுமன் யுத்தத்தில் சோர்வே அடைய மாட்டார் என்றார். சிவபெருமான், தனது அஸ்திரங்களினாலோ, தனது கரங்களினாலோ மரணம் ஏற்படாது என்றார்.
விஸ்வகர்மா, தன்னால் இதுவரை செய்யப்பட்ட ஆயுதங்களாலோ, இனிமேல் தான் செய்யும் ஆயுதங்களாலோ ஆஞ்சநேயர் பாதிக்கப்பட மாட்டார் என்றார். பிரம்மதேவர், ஆஞ்சநேயர் சிரஞ்சீவியாக இருப்பார் என்றும், பிராமணர்களால் சாபம் அளிக்கப்பட மாட்டார் என்றும் அருளினார். மேலும், அனுமன் தான் விரும்பிய வடிவம் எடுக்கவும், ஒருவரிடமும் பயமோ, யுத்தத்தில் தோல்வியோ அடைய மாட்டார். நினைத்த இடத்துக்கு நினைத்த வேகத்தில் அவரால் செல்ல முடியும் என்றும் வரமளித்தார். இந்த வரங்களினால் திருப்தியுற்ற வாயு பகவான் தனது இயக்கத்தைத் தொடங்கினார்.
தனக்களிக்கப்பட்ட வரங்களால் பெருமை கொண்ட அனுமன், காட்டில் தவம், யாகம் செய்துவந்த முனிவர்களுக்கு விளையாட்டாக மிகவும் தொல்லை கொடுக்கவே, அவர்கள் அனுமனுக்குத் தனது பலம் தெரியாமல் இருக்கவும், யாராவது அதைப் பற்றி நினைவுறுத்தினால் மட்டுமே அதை அவர் உணர முடியும் என்று சொல்லி, அவர் தனது உண்மையான பலத்தைப் பற்றி அறியாதவாறு செய்துவிட்டபடியால்தான், ஆஞ்சநேயரால் தனது பலத்தை உணர்ந்து சுக்ரீவனுக்கு உதவ முடியாமல் போனது” என்று ஸ்ரீராமபிரானுக்கு விளக்குகிறார் அகத்தியர்.
சுந்தர காண்டத்தில்கூட, ஆஞ்சநேயருக்கு ஜாம்பவான், அவரது பலத்தையும் பராக்கிரமத்-தையும் எடுத்துக் கூறி நினைவூட்டியதால்தானே, அவரால் செயற்கரிய செயல்களைச் செய்ய முடிந்தது.
புத்திர்-பலம் யசோ தைர்யம் நிர்பயத்வம் அரோகதா
அஜாட்யம் வாக் படுத்வம் ச ஹநூமத் ஸ்மரணாத் பவேத்
‘புத்தி, பலம், புகழ், தைரியம், பயமின்மை, நோயின்மை, சோம்பலின்மை, தெளிந்த வாக்கு ஆகியவை, அனுமனை நினைப்பதால் சித்திக்கும்.
பக்கம்-2
பக்கம்-1