வைடூரியம் (cats eye)

நவகிரகங்களில் மிகவும் பலம் மிக்க கிரகங்களில் கேதுவும் இராகுவுமே சிறந்தவர்கள். இதில் கேதுவுக்கு உரிய ரத்தினம் வைடூரியம் ஆகும்.
நல்ல தரமான வைடூரியம் கதிரவனின் ஒளியை தன்னுள் வாங்கி மின்னல் போன்ற ஒளியை கல்லின் குறுக்கே கொண்டிருக்கும். பார்வைக்கு கல் இரண்டாக விரிசல் விட்டுவிட்டதோ என தோன்ற வைக்கும். இருட்டில் பூனையின் கண்கள் உள்ளது போல தோன்றுவதால் இதை ஆங்கிலத்தில் CATS EYE என்று கூறுகிறார்கள். பழுப்புநிறமுள்ள மணியில் வெள்ளை நிற ஒளிக்கீற்றுடன் காணப்படும் வைடூரிய ரத்தினங்கள் க்ரிசொபெரில் (Chrisoberyl) என்னும் வகையினை சேர்ந்தது. குவார்ட்ஸ் (Quarts) வகை கற்களிலும் வைடூரியம் கிடைக்கிறது. விபரங்களுக்கு

வைடூரியத்தின் மத்தியில் இருக்கும் நூல் போன்ற சுழலும் ஒளிக்கற்றை, நாம் எப்படி திருப்பி பார்த்தாலும் அழகாக சுழலும். அந்த கோடுகள் எவ்வளவு குறுகலாகவும், கூர்மையாகவும் இருக்கிறதோ அந்த அளவுக்கு சிறப்பானதாகும் என கூறப்படுகிறது. விலையும் அதிகம். வைடூரியங்கள் காபிகொட்டை, ஈச்சங்கோட்டை, வடிவத்திலேயே பட்டை தீட்டப்படுகிறது.

வைடூரியம் எங்கு கிடைக்கும்?

     குவார்ட்ஸ் வகை கற்கள் ஸ்ரீலங்கா, பர்மா,ஜெர்மனியில் அதிகம் கிடைக்கிறது.

கிரிசொபெரில் வகை கற்கள் ஸ்ரீலங்கா, பிரேசில், இங்கிலாந்து, வட அமெரிக்கா, தென்னாப்ரிக்கா, ஆஸ்திரேலியா ஆகிய நாடுகளில் கிடைக்கிறது. இந்தியாவில் கேரளாவிலும், ஒரிசா மாநிலத்திலும் கிடைக்கிறது. ஸ்ரீலங்காவில் கிடைக்கும் வைடூரியமே மிகவும் விலையுள்ளவை.

இன்று  உலகளவில் 66  காரட் எடையுள்ள வைடூரியம் வாஷிங்க்டன் நகரில் உள்ளது. வைடூரியம் கிசொரிபெரில் வகையினை சேர்ந்தது. இதன் குறியீடு (BeAI2O4) ஆகும். கடினத்தன்மை 8.5 ஆகும். குவார்ட்ஸ் வைடூரியத்தின் கடினத்தன்மை 7 ஆகும். இதன் ரசாயன குறியீடு (Si02) ஆகும். இந்த இரண்டுவகை கற்களும் பெரும்பாலும் செயற்கையாக தயாரிக்கப்படுவதில்லை.

வைடூரியம் அணிவதால் உண்டாகும் நன்மைகள்.

1. மனதில் உற்சாகம், நிம்மதியினை கொடுக்கும்.
2. மற்றவர்கள் பணிந்து நடப்பார்கள்.
3. அறிவுக்கூர்மையும், புத்திசாலித்தனமும் அதிகரிக்கும்.
4. செல்வம் புகழ் உண்டாகும்.
5. சுவாசநோய்கள் குணமாகும்.
6. நீண்ட ஆயுளினை தரும்.
7. ஞானமார்க்கத்தினை தரும்.

 விபரங்களுக்கு

வைடூரியம் யார் அணிய வேண்டும்.!!

• கேதுவின் நட்சத்திரமான அஸ்வினி, மகம், மூலம் நட்சத்திரத்தில் பிறந்தவர்களும்.
• இலக்கினம், அல்லது சந்திரா இலக்கினம் இவற்றில் கேது இருப்பவர்கள்.
• தற்போது கேது தசை நடப்பில் இருப்பவர்கள்.
• தசாநாதன் கேதுவின் நட்சத்திரத்தில் இருந்தாலோ அல்லது கேதுவுடன் சேர்ந்து இருந்தாலோ வைடூரியம் அணிந்து அளவற்ற நன்மைகள் அடையலாம்.
• ஆங்கில தேதிகளில் 7, 16, 25ம் தேதிகளில் பிறந்தவர்கள், தேதி+மாதம்+வருடம் கூட்ட விதிஎண் 7 வருபவர்கள் வைடூரியம் அணிந்து மேன்மை அடையல்லாம்.

விபரங்களுக்கு

வைரம் (DIAMOND)

 

நவரத்தினங்களில் மிகவும் விலை உயர்ந்தது வைரம் (DIAMOND) ஆகும். மிகவும் குறைந்த அளவுகளில் கூட வைரம் கிடைக்கும் (2மி.கி அளவில் கூட கிடைக்கும்).
சோழர் காலத்தில் வைரம் மிகவும் புகழ் பெற்று விளங்கியுள்ளது. அவர்கள் வைரத்தினை மட்டதாரை மட்டதாரை என்ற பெயரிலும் கூறியதாக கல்வெட்டுக்கள் கூறுகிறது. வலிமையான உடலினை வைரம் பாய்ந்த உடம்பு என்கிறோம்.

வைரத்தின் நிறங்களில் நான்கு வகைகள் உள்ளன. வெண்மை, செம்மை, பொன், கருமை, போன்ற நிறங்கள் ஆகும்.

உலகில் மிகப்பெரிய வைரம்

கல்லினன் (cullinan) என்ற வைரம் உலகின் மிகவும் பெரிய என கருதப்பட்டது. இதன் எடை 3106 காரட் ஆகும். அனால் இதை பலதுண்டுகளாக வெட்டி பட்டை தீட்டினார்கள்.

நிஜாம் (nizam) மன்னர்களிடம் 340 காரட் எடை உள்ள வைரம் இன்றும் உள்ளது. உலகின் பல்வேறு நாடுகளிலும் வைரம் மதிப்புமிக்க ரத்தினமாகவே உள்ளது.

வைரம் எங்கு கிடைக்கும்

இந்தியாவிற்கு வந்த ரோமானிய ஆசிரியர்கள் இந்தியாவில் நதிமணலில் அடமாஸ் எனும் கற்கள் கிடைகிறது என குறிப்பிட்டுள்ளார்கள். அடமாஸ் என்பதே பின்னர் டைமண்ட் என மருவியிருக்க வேண்டும். முதல்முதலாக ரோமானியர்கள் இந்தியாவில் இருந்தே வைரங்களை கொண்டு சென்றார்கள், என சார்லஸ் வில்லியம் கிங் என்ற அறிஞர் கூறுகிறார். ஆனால், வைரத்தினை முதலில் தென்னாப்ரிக்காவில் தான் சுரங்கங்களில் இருந்து வெட்டி எடுத்தார்கள். வைரம் என்பது சாதாரண கரியின் மாறுபட்ட நிலையே ஆகும். கரி>>நிலக்கரி>>>கிராபைட்>>>>வைரம். கரி அளவுக்கு மிஞ்சிய அழுத்தம் வெப்பத்தில் வைரமாக மாறியுள்ளன. ஆனால் அதற்காக பல ஆயிரம் ஆண்டுகள் தேவைப்படுகிறது. நவரத்தினங்களில் வெண்மை நிறமான வைரமே சேர்க்கப்பட்டுள்ளது. (ஆனால் வைரத்திற்கு பொதுவாக நிறம் இல்லை)

வைரம் அணிந்தால் உண்டாகும் நன்மைகள் என்ன?

1. குற்றமற்ற வைரம் அணிந்தவர்கள் அஸ்வமேத யாகம் செய்த பலன்களை அடைவார்கள்.
2. ஜனவசீகரம், முககவர்சி, இரண்டையும் அள்ளிக்கொடுக்கும்.
3. செலவு ஏறஏற, வரவும் ஏறிக்கொண்டே வரும்.
4. மக்களிடையே செல்வாக்கும், கௌரவமும் உண்டாகும்.
5. லக்ஷ்மி கடாக்ஷம் உண்டாகும்.
6. காரணம் இல்லாமல் இருக்கும் கவலைகள் மறையும்.
7. இல்லறத்தில் மகிழ்சியும், அன்யோன்யமும் அதிகரிக்கும்.
8. சொத்துக்கள், நிலபுலன்கள் சேரும்.
9. பாலினநோய்கள் நிவாரணம் ஆகும். அதிக உழைப்பு செய்யாமலேயே செல்வம் சேரும்.
10. சுயநலம், பொறமை, பேராசை ஆகியவற்றை குறைத்துக்கொண்டால், அதிர்ஷ்டங்களை மேலும் அதிகரிக்கலாம்.

குறிப்பு: வைரத்தின் அதீதசக்தி சில வருடங்களில் குறையும். நல்ல பலன்கள் குறைவது போல் தெரிந்தால் வேறு ஒரு வைரம் வாங்கி அணியவும்.

யார் யார் வைரம் அணியலாம்!!

·         சுக்கிரனின் நட்சத்திரங்களில் பிறந்த பரணி, பூரம், பூராடம் நட்சத்திரகரர்கள்.

·         ரிஷபம், துலாம் இராசி&இலக்கின காரர்கள்.

·         தற்போது சுக்கிரனின் தசை நடைபெறும் அன்பர்கள்.

·         மேலும், ஜோதிடரின் ஆலோசனைப்படி மிதுனம், கன்னி, மகரம், கும்பம் இலக்கினம் இராசிகாரர்களும் மிகவும் நன்மை அடையலாம்.

·         ஆங்கில தேதிப்படி 5,14,23ம் தேதிகளில் பிறந்தவர்கள். தேதி+மாதம்+வருடம் கூட்ட விதி எண் 5வருபவர்கள், வைரம் அணிந்து அளவற்ற நமைகளை அடையலாம்.

விபரங்களுக்கு